Este venres saíu á luz Escaparate Xove, a plataforma dixital que expón a oferta empresarial do municipio e que funcionará como un centro comercial unificado. Un total de 55 empresas participan da web ofrecendo os seus produtos e servizos.

O Concello puxo en marcha esta iniciativa, que nace “para potenciar os puntos fortes do empresariado de Xove, aproveitando a súa unión e capacidade de organización e as posibilidades que ofrece a dixitalización”, segundo expón o goberno local a través dun comunicado.

PODERASE ACTUALIZAR A DIARIO

“Será unha plataforma viva que cada empresa poderá actualizar a diario, e nela veremos os datos principais de cada negocio: o seu lema, a súa ubicación, como acceder ao servizo de venta en liña, entrega a domicilio, ofertas e promocións e se aceptan currículums vitae“, continúa o executivo municipal.

Os principais obxectivos, explica a a axente de emprego e desenvolvemento local do Concello de Xove, Rosa Lage, son “amosar á clientela as vantaxe do consumo local que ofrece o noso empresariado; impulsar as relacións comerciais entre as empresas e coa clientela incrementando a súa presenza na Internet; facilitar unha canle de comunicación para a oferta e a demanda de emprego; e atraer a novas iniciativas empresariais”.

Ademais, Escaparate de Xove ofrece un mapa de ofertas e promocións, todas as das empresas do municipio á vista nun único link. Así, parte cun total de 26: descontos e bonos de tratamentos de beleza; en alugueiro de carpas para celebracións; cestas de Nadal personalizadas; envíos gratuítos de compras en liña; descontos en actividades de formación; Eurovales, vales descontos e vales de 20 euros en roupa; ofertas de perruquería; cartas especiais de fin de semana en restaurantes; promoción de lavados de vehículos; descontos en combustibles; vehículos KM0; mobles; ofertas en supermercados; descontos en material escolar e libros; descontos en seguros médicos; seguros de vivenda; descontos en limpezas de portais; descontos en xerseis de inverno; ofertas de moldes de forno; flores artificiais; regalos de señalización rec flash; promocións de aloxamento de fin de semana son algunhas das propostas.

SERVIRÁ PARA “FACERNOS VER” NUN MOMENTO “COMPLEXO” POR ALCOA E A COVID, DIN DESDE A ACIAM

Desde a Asociación de Comerciantes, Industriais de Autónomos de Xove (Aciam), sinalan que agrupación ten unhas 90 empresas, polo que a participación é notable e “todos os negocios que queiran poderán estar no portal”, remarca o presidente da Aciam, Amador García, que agradece ao Concello “asumir esta iniciativa”.

“Estamos todo tipo de empresas do comercio local de Xove: perruquerías, tendas de roupa, de produtos alimenticios, talleres… Todo o que hai no municipio”, salienta o presidente do colectivo, que valora que na páxina “tamén hai unha parte turística na que amosamos os lugares máis visitados do concello”.

“Trátase de facernos ver nun momento que é complexo, tanto pola situación de Alcoa como pola Covid-19. O comercio local necesita de apoio e sen el o día de mañá non imos poder ter onde empregar os nosos fillos. Dependemos todos de todos”, salienta García.

Despois dalgúns anos “un pouco parada”, a Aciam tenta “reactivar o comercio local, a fin de posicionarnos. Temos unha grande unión entre todos”, salienta.

INSCRICIÓN ABERTA

A inscrición segue aberta no Concello de Xove. A lista de empresas participantes son as seguintes:

1. O CAMILO CARPINTERÍA
2. A BALEA VERDE-ACTIVIDADES DE OCIO
3. ACOSTA MUEBLE
4. ALUGUER DE VEHÍCULOS PARAÍSO
5. AS NEREIDAS-ALUGUER VACACIONAL
6. AUTOMÓVILES BANDO
7. AUTOSERVIZO DE LAVANDERÍA MARIÑASEC
8. BAR COCIÑA
9. CAFÉ BAR O CABALIÑO DO MAR
10. CARLOS PELUQUEROS UNISEX
11. CARNICERÍA-CHARCUTERÍA J. ANTONIO
12. CATYCRIS
13. CENTRO DE FISIOTERAPIA XOVE
14. CENTRO ÓPTICO XOVE
15. COIDADOS LIMPEZA DE AXUDA NO FOGAR
16. CONSERVAS ARTESANAS CURRICÁN
17. COSNOR CORREDURÍA DE SEGUROS OFICINA XOVE
18. CRISTALERÍA SAN CIPRIÁN
19. EL RINCÓN DE LOS GRANDES
20. EROSKI CITY
21. ESTABLECIMIENTOS REY FERRETERÍA ALMACÉN CONSTRUCCIÓN
22. ESTABLECIMENTOS REY-EXPOSICIÓN BAÑOS
23. ESTACIÓN DE SERVICIO CAMBA
24. ESTÉTICA MARTA
25. FARMACIA ANA BOÑAR
26. FERRETERÍA SUÁREZ ÓLIVER
27. FIFA
28. GRUPO ROMA
29. HOSPEDERÍA DE TEIXIDE
30. JOSÉ O PORTUGUÉS
31. LAVANDERÍA-TINTORERÍA MARIÑASEC
32. LIBRERÍA ESTANCO BASANTE
33. LIMPEZAS SAN MARTIÑO
34. LUGAR DAS MARÍAS*** HOSTAL
35. LUGAR DAS MARÍAS CAFÉ-XARDÍN
36. MAPFRE XOVE
37. PANADERÍA MARAL
38. MÁRMOLES A MARIÑA
39. MERCERÍA ANTOLLO
40. MUEBLES TOAL XOVE
41. MULTICARPAS EIJO
42. O ARMARIO DE XOVE
43. PEIXERÍA BARREIRA
44. PELUQUERÍA CAPYLARIS
45. PELUQUERÍA EUGENIA
46. PILAR CORGOS ACADEMIA
47. PIZZERÍA ONDE SEMPRE
48. RESTAURANTE CAFÉ BAR PEPE
49. RESTAURANTE O REFUGIO
50. SCHOOL OF ENGLISH
51. SIGNO TALLER DEL RÓTULO
52. SUÁREZ ÓLIVER TRANSPORTES SL
53. TALLERES ARMANDO
54. TALLERES PARAÍSO
55. TRANSPORTES PARAÍSO