Burela, Viveiro, Ribadeo, San Cosme de Barreiros ou San Cibrao acolleron este xoves novas protestas do sector da hostalería, que permanece pechado en 60 municipios galegos, entre eles os concellos burelao e viveirense. Decenas de veciños secundaron as concentracións, ante os consistorios, agás no municipio cervense, onde a convocatoria foi na Praza dos Campos sancibrense.
Baixo o lema ‘Salvemos a hostalería‘ houbo protestas por toda a xeografía española, e dentro da provincia en varias localidades, entre elas a capital, onde a Asociación Provincial de Empresarios de Hostalería de Lugo (APEHL), que se reuniu coa subdelegada do Goberno central, chamou por un plan de rescate a nivel estatal.
Na Mariña, ducias de traballadores de Alcoa San Cibrao, chamados polo comité de empresa, acudiron ás concentracións vestidos coa súa roupa de traballo, para apoiar as reivindicacións da hostalería e para visibilizar o conflito laboral da fábrica.
ENCONTRO TELEMÁTICO DO BNG EN VIVEIRO COS EMPRESARIOS
O BNG de Viveiro manterá este venres (16.00 horas) un encontro telemático cos empresarios do sector hostaleiro, que se poderá seguir nesta ligazón.