IniciosociedadeNove dos once tripulantes illados do Siempre Antares deron positivo; tres seguen...

Nove dos once tripulantes illados do Siempre Antares deron positivo; tres seguen ingresados “estables”

Outros dous buques con base en Celeiro, que traballan en parella, solicitaron probas tralo catarro dun mariñeiro, resultando os 18 traballadores negativos

Publicada o

- Advertisement -

Nove tripulantes do Siempre Antares dos once que permanecían confinados no barco deron positivo nas probas de coronavirus, segundo concretaron fontes do Servizo Galego de Saúde (Sergas). As outras dúas PCR realizadas resultaron negativas. Tres dos mariñeiros permanecen ingresados -un deles no HULA, dous no Hospital Público da Mariña– con prognóstico “estable”.

Un dos traballadores do barco, con base no porto de Celeiro, tivo que ser rescatado en alta mar en helicóptero, despois de que padecese unha insuficiencia respiratoria. O buque volvía de faenar no caladoiro de Gran Sol. Foi evacuado ao Centro Hospitalario Universitario da Coruña (CHUAC), onde faleceu.

Por outra banda, dous barcos de arrastre de litoral que teñen a base no mesmo peirao e traballan en parella, Nuevo Socio e Bautista Pino, solicitaron as PCR despois de que un dos mariñeiros padecese un catarro. As tripulacións, cun total de 18 obreiros -nove por buque- permaneceron illados no porto ata coñecer os resultados das probas, negativas nos 18 casos.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...