O número de casos activos de coronavirus na provincia de Lugo baixa a 1.139, 55 menos ca onte, segundo o reconto ofrecido polo Servizo Galego de Saúde (Sergas). Desde a anterior actualización, e cos datos pechados ás 18.00 horas de onte, confirmáronse 55 novos casos.
Dos 1.139 contaxiados, 50 permanecen ingresados. O HULA atende 36 pacientes con Covid-19, entre eles os cinco da área sanitaria que requiren de coidados intensivos; o Hospital Público da Mariña coida de oito e o centro hospitalario de Monforte de seis.
No histórico da provincia documéntanse 117 falecementos, o último deles dun home de 93 anos usuario da residencia de San Cibrao, no día de onte; ademais, déronse 4.576 altas e 5.832 casos acumulados desde o inicio da pandemia. Fixéronse 96.613 PCR, o que implica que nas últimas horas efectuáronse 759 probas (o 7,24% positivas).
NOVO CAMBIO NA COMUNICACIÓN DA INFORMACIÓN
No tocante á situación epidemiolóxica, a Xunta de Galicia facilitou este sábado por primeira vez datos municipais, despois de negalos durante toda a pandemia, e de proporcionar a cambio un ‘mapa semáforo‘ de incidencia da Covid-19 que provocou numerosas confusións ao non coincidir os termos municipais en vermello -en función dun único criterio epidemiolóxico- cos que sofren restricións coma Burela ou Viveiro -decisións para as que se toman en conta máis factores, segundo o Sergas-.
Aínda así, a Xunta mantén a súa política de evitar ofrecer os positivos activos que hai en cada concello, proporcionando os casos novos localizados nos últimos 14 días. E ofrece cifras sobre incidencia en proxección a 100.000 habitantes non concretas, senón aproximadas.
CERVO ACUMULOU 14 CASOS NOVOS E XOVE 11
Así, non se localizaron contaxios nas últimas dúas semanas no Vicedo, Ourol e Riotorto, cunha taxa de incidencia inferior aos 25 positivos por 100.000 habitantes.
En Viveiro, nese mesmo prazo detectáronse 26 positivos, cunha incidencia en proxección a 100.000 habitantes de entre 150 e 250 casos; en Burela, 39 (cunha incidencia superior aos 250 contaxios por 100.000 habitantes), entre eles os diagnosticados no Adviento Uno; en Cervo, onde hai un gromo de importancia na residencia, 14, e en Xove, 11 (ambos por riba dos 250); en Foz, 23 (entre 150 e 250 positivos). En Ribadeo, que o pasado venres volveu ao nivel verde de Covid-19, 11 (entre 50 e 150).
O VALADOURO, ALFOZ, MONDOÑEDO, LOURENZÁ, BARREIROS, A PONTENOVA E TRABADA, “ENTRE UN E NOVE POSITIVOS”
Nos casos do Valadouro, Alfoz, Mondoñedo, Lourenzá, Barreiros, A Pontenova e Trabada a Xunta cuantifica a incidencia do virus “entre un e nove” casos novos no prazo deses 14 días. As incidencias acumuladas máis importantes son no municipio valadourense (por riba dos 250 positivos por 100.000 habitantes) e no barreirense (entre 150 e 250).
561 POSITIVOS MÁIS EN GALICIA
No tocante a Galicia, rexistra outros 561 casos de Covid-19, con Vigo como o principal foco de contaxio. Os casos activos de coronavirus baixan da barreira dos 9.000, pero a positividade das PCR sitúase no 8,6%, aínda por encima do 5% que marca a OMS como limiar para dar por controlada a pandemia. Le a información completa no Galicia Confidencial.
CENTROS EDUCATIVOS
CENTRO (POSITIVOS/AULAS PECHADAS/CENTROS PECHADOS)
FOZ E.I de Foz 1 1 0
RIBADEO E. I. Nosa Señora do Campo 2 1 0
BARREIROS CEIP San Miguel de Reinante Barreiros 1 0 0
BURELA IES Monte Castelo 2 0 0
BURELA IES Perdouro 1 0 0
CERVO CEIP Península da Paz 1 1 0
FOZ CEIP Fondo Nois 1 0 0
FOZ CEIP O Cantel 1 0 0
FOZ CEIP Plurilingüe de Foz nº 1 1 0 0
FOZ CPR Plurilingüe Martínez Otero 1 0 0
FOZ IES de Foz 2 0 0
LOURENZÁ CEIP Juan Rey 1 0 0
RIBADEO CIFP Porta da Auga 1 0 0
VIVEIRO CEIP Plurilingüe de Covas 1 0 0
VIVEIRO EEI San Roque 1 0 0
XOVE CEIP Plurilingüe Pedro Caselles Rollán 1 1 0
RESIDENCIAS
MAIORES
29 Residencia San Cibrao (Cervo)
8 Vivenda Comunitaria Remaso de Paz (A Fonsagrada)
10Residencia San Salvador (Guntín)
4 Residencia DomusVi Monforte
2 Residencia de Monforte
114 Residencia Asilo Vilalba
10 Residencia Domusvi Bóveda (discapacidade)
18 Residencia San Vicente de Paúl (Lugo) (discapacidade)
TRABALLADORES
1 Residencia Volta do Castro (Santiago)
3 Fogar Residencial San Miguel (Silleda)
3 Residencia DomusVi Chantada
12 Residencia San Cibrao (Cervo)
5 Residencia San Salvador (Guntín)
1 Residencia A Veiga (Láncara)
1 Residencia A Milagrosa (Lugo)
1 Residencia Albertia Lugo
2 Residencia de As Gándaras (Lugo)
2 Residencia San Rafael (Mondoñedo)
1 Residencia DomusVi Monforte (Monforte de Lemos)
1 Residencia Meu Fogar (Taboada)
1 Residencia Concello de Trabada
18 Residencia Asilo de Vilalba
1 Residencia DomusVi Viveiro
4 Residencia Domusvi Bóveda (discapacidade)
1 Residencia San Vicente de Paúl (Lugo) (discapacidade)