Eroski inaugurou este xoves un novo establecemento na localidade lucense de Burela, situado na Avenida de Perdouro, número 13, un hipermercado que dará emprego a 47 traballadores, segundo concretou a marca.
O supermercado permanecerá aberto de 9.15 a 21.45 horas, horario que manterá de luns a sábado. Para a súa apertura oficial levouse a cabo un pequeno acto de inauguración a primeira hora desta mañá coa participación do alcalde do Concello de Burela, Alfredo Llano, quen estivo acompañado polo director xeral de Vegalsa-Eroski, Joaquín González; o director de hipermercados, supermercados e estacións de servizo Eroski, Florentino Vázquez; o xefe de zona de Eroski Center, Pedro Fraga; o director de Expansión e Franquicias de Vegalsa-Eroski, Pedro Suárez, e o equipo da tenda.
O hipermercado convivirá coa tenda que a compañía ten no centro da localidade, e especializarase “en frescos, cunha grande aposta polos produtos locais“.
Esta nova tenda, que supuxo un investimento próximo aos dous millóns de euros, ten unha sala de vendas de 1.747 m2 con máis de 14.200 referencias de alimentación, frescos e non food e atención personalizada nas súas seccións de frescos: carnicería, pescadería,
charcutería, frutería e panadería, nas que os clientes poderán atopar
tamén servizos como máquina de zumes recentemente exprimidos, cortadora de pan
e cortadora de bacalao. O establecemento pon a disposición dos clientes ademais o servizo de compra online (con reparto a casa e modalidade de servizo de recollida en tenda).
