IniciosociedadeConsenso do pleno de Viveiro para esixir á Xunta unha sala de...

Consenso do pleno de Viveiro para esixir á Xunta unha sala de agarda para as vítimas de violencia machista

O Goberno autonómico comprometeu en varias ocasións esta dotación, pero en 18 meses non se acondicionou ningún espazo para as persoas agredidas, que esperan horas para declarar

Publicada o

- Advertisement -

O pleno ordinario do Concello de Viveiro aprobou por unanimidade unha moción presentada por todos os grupos da corporación para esixir a posta en marcha de manera inmediata da sala de agarda do Xulgado de Violencia contra a Muller para as vítimas de agresións machistas que queren denunciar os seus agresores. Trátase dunha carencia que denunciaron en abril de 2019 dous funcionarios de Xustiza, e que malia as promesas da Xunta de Galicia non foi solventada a día de hoxe, como lembrou con motivo do pasado 25 de novembro este medio.

PARTIU DO ROGO DOS FUNCIONARIOS DE XUSTIZA NA MESA LOCAL CONTRA A VIOLENCIA DE XÉNERO

Presentar a moción de forma conxunta foi acordado na Mesa Local de Coordinación contra a Violencia de Xénero que tivo lugar o pasado venres, formada por representantes das forzas e corpos de seguridade (Policía Local, Policía Nacional e Garda Civil), dos centros educativos, do centro de saúde, da oficina de emprego, do Xulgado, dos grupos políticos municipais, por diversos departamentos municipais (servizos sociais, oficina de inmigración e CIM), da Subdelegación do Goberno e do Concello.

ANUNCIADA PARA FINAIS DE 2019 E PARA INICIOS DE 2020

No punto da orde do día, os representantes dos Xulgados, Marco López e David Díaz, lembraron coa presentación dun rogo que o vicepresidente da Xunta, Alfonso Rueda, anunciou en maio no 2019 no Parlamento galego que “nos vindeiros meses estará acondicionada unha sala de agarda para as vítimas”. A finais de novembro dese mesmo ano, o Goberno autonómico aseguraba estar traballando na dotación, sen que nos 18 meses transcorridos “se acondicionase espazo ningún para as vítimas na sede xudicial viveirense”.

O SERVIZO BENEFICIARÍA A MULLERES DE SETE CONCELLOS MARIÑAOS

Así mesmo, pedían “formalmente” que se solicite a Rueda que aclare as expresións “nos vindeiros meses” e “estase traballando na sala de agarda do xulgado de Viveiro” a fin de que concrete cando comezarán as obras da sala de espera para que as vítimas dos concellos que atende o Xulgado de Violencia sobre a Muller –O Vicedo, Ourol, Viveiro, Xove, Cervo, Burela e Foz, para 45.000 habitantes- poidan agardar “nun local cun mínimo de dignidade“.

Para esta dotación, o Concello de Viveiro cedeu unha serie de locais de titularidade municipal, cuxa cesión foi concretada en verán do 2019.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...