O Concello de Xove emitiu este xoves un comunicado no que, ante o número de casos de Covid-19 detectados no municipio, un total de 25 novos nos últimos 14 días, comunica que decidiu suspender as actividades do programa de Nadal previstas.
“Loxicamente, tratamos de preservar a saúde de todos, que para nós é o máis importante. Polo tanto, suspendemos a videoproxección da curtametraxe de Xacio Baño, ‘Augas Abisais‘, que estaba prevista para este sábado 26 de decembro, e tamén suspendemos a función de teatro de Pico do Castro con ‘O Terapeuta‘ que estaba prevista para este domingo 26 de decembro”, explicou o goberno local xovense.
A taxa de incidencia acumulada do coronavirus en Xove sitúase por riba dos 250 positivos nunha proxección a 250.000 habitantes.