IniciosociedadeBaixan os casos e a presión por Covid pero tamén as PCR...

Baixan os casos e a presión por Covid pero tamén as PCR realizadas

En dous días realizáronse 6.000 PCR menos en toda Galicia.

Publicada o

- Advertisement -

Galicia detectou nas últimas 24 horas 160 casos de coronavirus menos que na xornada anterior aínda que se practicaron a metade de probas PCR respecto ao día previo e case 6.000 menos que hai dous días. Unha situación que se produce cando a taxa de positividade é das máis altas desde que se iniciou a pandemia en Galicia, do 8,4%, case o dobre do recomendado pola OMS.

Así figura no balance de datos da pandemia ofrecidos pola Consellería de Sanidade este domingo, no que se iniciou a campaña de vacinación contra a covid-19. Deste xeito, aumenta a presión hospitalaria con oito ingresados máis que na xornada anterior. Son agora 336 as persoas hospitalizadas con diagnóstico de covid-19 nas sete áreas sanitarias galegas. Deles, 58 atópanse na UCI, tres máis que hai 24 horas. En todo caso, en Lugo baixan a 13 os hospitalizados –un menos– con 4 deles en críticos –sen cambios–.

BAIXAN OS POSITIVOS DIARIOS E AS PCR

En canto á detección de casos, Galicia sumou 213 novos positivos por coronavirus nun día, o que implica unha importante caída de 160 con respecto ás 24 horas previas. Con todo, hai que ter en conta que as PCR realizadas foron 3.050, a metade do día anterior, polo que a baixada dos contaxios rexistrados sucedeuse en todas as áreas sanitarias. En Lugo-A Mariña-Monforte, detectáronse 7 casos (-26).

CASOS ACTIVOS

En canto aos casos activos –persoas que seguen diagnosticadas de covid-19–, Galicia volve presentar unha baixada por segundo día consecutivo. Así, Sanidade contabiliza 5.609 casos activos, 107 menos que o día anterior. Na área de Lugo-A Mariña-Monforte son 374 –sete menos–.

Please wait while you are redirected...or Click Here if you do not want to wait.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...