O Servizo Galego de Saúde (Sergas) informou este xoves de que o vindeiro martes, día 19 de xaneiro, iniciase na provincia a administración da segunda dose da vacina contra o coronavirus nas residencias da terceira idade e centros de discapacidade. Comezará no xeriátrico de Burela e seguirá a mesma cadencia q se seguiu na administración da primeira cantidade.
As mesmas fontes anunciaron que xa rematou na provincia a vacinación de todas as residencias, agás tres nas que aínda hai positivos, “que se vacinarán en canto sexa posible”. Segundo os datos do Sergas, “en total foron unhas 7.000 persoas as inmunizadas, entre traballadores e residentes“.
Segundo o cómputo diario do Sergas, estes son os positivos localizados nas residencias da provincia de Lugo:
MAIORES
36 Residencia da Pastoriza
3 Residencia de Maiores de Burela
12 Residencia Hospital Asilo San Sebastián e San Lázaro (Ribadeo)
2 Apartamentos Tutelados San Bartolomeu de Xove
18 Residencia San Bartolomeu de Xove
TRABALLADORES
19 Residencia da Pastoriza
1 Residencia de Burela
2 Domusvi Chantada
1 Residencia de Foz
1 Residencia Albertia Lugo
1 Domusvi Monforte
5 Residencia Hospital Asilo San Sebastián e San Lázaro (Ribadeo)
1 Residencia de Trabada
1 Residencia Domusvi Viveiro
11 Residencia San Bartolomeu (Xove)
PREVESE REMATAR DE VACINAR “ESTA SEMANA” A “2.800 SANITARIOS”
Respecto da vacinación do persoal sanitario, o Sergas prevé que “esta semana” tamén se remate o proceso para vacinar aos traballadores “de primeira liña” da provincia, uns 2.800, entre atención primaria e hospitais.
