A Comisión Escolar de Alertas tomou na mañá do martes a decisión de suspender, desde as 12.00 horas, as actividades no exterior dos centros educativos da Mariña Lucense e tamén do litoral das provincias da Coruña e Pontevedra.

Os colexios da bisbarra manterán, con todo, a actividade lectiva e o transporte escolar en todos os centros educativos.

No caso de que a situación meteorolóxica supuxese un risco superior ao declarado, lembra a Xunta de Galicia, os directores poderán adoptar as decisións oportunas a este respecto.

A listaxe de concellos incluídos en cada zona climática pode consultarse na páxina web de Meteogalicia.

VENTOS DE FORZA 8

A Mariña ficará desde as 20.00 horas deste martes en alerta laranxa, segundo espuxo a Axencia Estatal de Meteoroloxía (Aemet).

O prognóstico inclúe ventos de forza 8 e ondas de cinco e seis metros de altura. A alerta laranxa manterase ata a tarde do mércores.