IniciosociedadeO xuízo polo urbanismo de Barreiros segue o mércores coa declaración da...

O xuízo polo urbanismo de Barreiros segue o mércores coa declaración da secretaria municipal

Entre as case vinte testemuñas citadas pola Fiscalía e Adega tamén hai técnicos da Aplu

Publicada o

- Advertisement -

O xuízo contra o alcalde de Barreiros, Alfonso Fuente Parga, cinco edís e a arquitecta municipal por prevaricación urbanística continuará este mércores no Xulgado do Penal número 2 de Lugo.

Trala declaración dos acusados, que se celebrou o pasado luns, será a quenda das testemuñas da acusación.

A Fiscalía e máis a organización ecoloxista Adega, que exerce como acusación particular, citaron a arredor dunha vintena de testemuñas.

Unha delas será a secretaria municipal de Barreiros no 2006, María Antonia Martínez Barcia.

TESTEMUÑA CHAVE

A súa declaración presúmese chave, posto que a estratexia da defensa baseouse en culpar á técnica da concesión de licenzas supostamente irregulares.

O rexedor barreirense e os demais acusados aseguraron que asinaban os permisos porque “se fiaban” dos “informes favorables ” que emitía a secretaria, dos que, afirmaron, “descoñecían” o contido.

Entre as testemuñas da acusación tamén están varios técnicos da Axencia de Protección da Legalidade Urbanística (Aplu).

CATRO DÍAS

O xuízo seguirá o vindeiro xoves, coas testemuñas da defensa. Finalmente, o día 14 presentarase os informes periciais e probas e quedará visto para sentenza.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...