O número de casos activos de coronavirus na provincia de Lugo aumenta a 2.105, doce máis ca onte, segundo o reconto ofrecido este xoves polo Servizo Galego de Saúde (Sergas). Nas últimas 24 horas confirmáronse outros 102 positivos novos por PCR.
Dos 2.105 contaxiados, 91 permanecen ingresados, 26 deles en coidados intensivos. O Hospital Público da Mariña atende dez pacientes con Covid-19, dous deles na unidade de críticos; o HULA coida de 60, 24 na Uci; o centro hospitalario de Monforte ten 20 positivos e o Polusa, un.
No histórico da provincia documéntanse 177 defuncións, 8.311 altas e 10.599 casos acumulados desde o inicio da pandemia. Fixéronse 163.474 PCR, o que implica que nas últimas 24 horas efectuáronse 1.329 probas.
No tocante á situación epidemiolóxica por municipios, continúa a melloría en Viveiro, con 109 casos confirmados nos últimos 14 días (catro menos ca os comunicados onte), e en Xove, con 22 contaxios nese mesmo prazo (seis menos). No Vicedo tamén hai un respiro con 24 positivos nas últimas dúas semanas, sete menos; en Burela detectáronse 35 infeccións (-5).
En Cervo localizáronse doce casos (-1), en Foz dez (sen variacións), en Ribadeo 25 (-1) e en Riotorto once (igual). Nos restantes concellos da Mariña localízanse entre un e nove casos nas últimas dúas semanas, sendo Barreiros o único libre de Covid-19 segundo os datos da Xunta de Galicia.
RESIDENCIA
MAIORES
4 Residencia da Pastoriza e apartamentos
1 Residencia DomusVi Monforte
2 Residencia O Incio
2 Residencia Hospital Asilo San Sebastián e San Lázaro (Ribadeo)
71 Residencia Nosa Señora do Carme (Sarria)
2 Residencia San Bartolomeu de Xove
TRABALLADORES
10 Residencia da Pastoriza
1 Residencia de Maiores Burela
3 Domusvi Chantada
3 As Gándaras (Lugo)
1 Domusvi Monforte
6 Residencia Nosa Señora do Carme de Sarria
2 Residencia Domusvi Viveiro
11 Residencia San Bartolomeu (Xove)