O número de casos activos de coronavirus na provincia de Lugo baixa a 748, 19 menos ca onte, segundo o reconto ofrecido este mércores polo Servizo Galego de Saúde (Sergas). Desde a anterior actualización detectáronse un total de 25 positivos novos por PCR.
Dos 748 contaxiados, 53 permanecen ingresados, nove menos (16 deles en coidados intensivos, todos no HULA). Os 37 pacientes con Covid-19 en plantas de hospitalización repártense entre o Hospital da Mariña (cinco, un menos), o propio Hospital Universitario Lucus Augusti (28, catro menos) o centro hospitalario de Monforte (tres, un menos) e o Polusa (un).
No histórico da provincia documéntanse 200 defuncións, 10.664 altas e 11.617 casos acumulados desde o inicio da pandemia. Fixéronse 184.020 PCR, o que implica que desde o anterior reconto efectuáronse 980 probas.
No tocante á situación epidemiolóxica por municipios, Viveiro mantense en doce casos confirmados nas últimas dúas semanas, mentres que A Pontenova baixa a once (un menos ca os comunicados onte). O resto dos municipios da Mariña teñen entre un e nove positivos localizados nos últimos 14 días, agás Xove, Trabada, Mondoñedo e Alfoz, libres de Covid-19.
Le a información completa a nivel galego no Galicia Confidencial.