IniciosociedadeO Sergas citará a 18.700 persoas da área lucense para vacinarse ao...

O Sergas citará a 18.700 persoas da área lucense para vacinarse ao longo desta semana

Son 11.600 persoas de entre 75 e 79 anos, así como outras 7.100 comprendidas no tramo de idade que vai dos 60 aos 65

Publicada o

- Advertisement -

Servizo Galego de Saúde (Sergas) inicia este martes a vacinación masiva nas sete áreas sanitarias galegas coa citación de 145.000 persoas. Na provincia de Lugo serán convocadas un total de 18.700 persoas que recibirán a dose da vacina ao longo desta semana.

A directora de Enfermaría da provincia de Lugo, María Jesús Pérez Taboada, explicou que durante o martes e o mércores aplicaráselle o antídoto ás persoas comprendidas no tramo de idade dos 60 aos 65 anos, para quen está previsto utilizar a vacina de AstraZeneca. Na área lucense son 7.100 persoas.  De xoves a domingo, estarán convocadas 11.600 persoas de entre 75 e 79 anos, que recibirán a primeira dose de Pfizer.

Todas elas serán citadas por SMS e seralles enviado un código QR que deberán presentar no punto de vacinación (no HULA ou nos hospitais da Mariña e Monforte, segundo o caso). Encargaranse do proceso os equipos de Atención Primaria que xa levan traballado neste ámbito dende principios de ano. Contarán co apoio dos equipos de Medicina Preventiva de cada centro.

Asemade, séguense vacinando outros grupos, como os maiores de 80 anos, proceso que está previsto que remate entre mañá e o mércores.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...