A Plataforma Feminista de Lugo pide xustiza polas gravacións de mozas na Maruxaina

Di que o arquivo da denuncia de vídeos de mulleres ouriñando na rúa é"unha vergoña repugnante".

Protesta en San Cibrao polos vídeos da Maruxaina. CARLOS CASTRO/EP/GC

A portavoz da Plataforma Feminista de Lugo, Ana Torrón, protestou este martes contra o arquivo da denuncia de vídeos de mulleres ouriñando na rúa durante as festas da Maruxaina de 2019 en San Cibrao (Cervo) por ser “unha vergoña repugnante”.

As vítimas de ditos vídeos gravados de maneira oculta denunciaron ante a Xustiza a súa difusión tras comprobar que tamén se subiron esas imaxes de 87 mulleres a unha páxina de pago de contido pornográfico. O titular do Xulgado de Instrución número 1 de Viveiro ditou un auto a mediados de marzo no que sobreseía provisionalmente o caso porque non considera “suficientemente acreditado que se cometeu un delito”.

A portavoz da Plataforma Feminista cualificou o arquivo desta causa como “unha vergoña repugnante”. “É que dá medo en mans de quen estamos”, protestou. Torrón afeou que “logo encima queren que as mulleres” denuncien, para seguidamente preguntarse, “para que, se ata os dereitos máis básicos como é o dereito á intimidade se violan reiteradamente e aquí non pasa nada”. “Que exemplo e que mensaxe se dá desde a Xustiza”, lamentou.

Please wait while you are redirected...or Click Here if you do not want to wait.

RESPOSTAR

Please enter your comment!
Please enter your name here