EFE | O director asistencial da área sanitaria de Lugo, A Mariña e Monforte de Lemos, Rafael Monte, confirmou que o gromo de Covid-19 que afecta a varios municipios da Mariña oriental alcanza xa uns corenta casos.

En declaracións aos medios de comunicación, Rafael Monte precisou que no cribado poboacional realizado durante as últimas horas no municipio de Barreiros, que o comité clínico situou onte no nivel alto de restricións, participaron 425 persoas.  As probas PCR permitiron detectar catro novos resultados positivos nese municipio, ao contrario do que sucedeu en Foz e en Ribadeo, onde as 270 persoas sometidas ao cribado deron negativo.

Monte precisou que, neste momento, o Sergas xa está cribando “as segundas cadeas transmisión”, polo que as autoridades sanitarias confían en poder “cortalas nos próximos días”