O delegado do Goberno en Galicia, José Miñones, destacou hoxe que depende da Xunta a vacinación dos mariñeiros en Galicia xa que é esta administración a que determina os criterios de vacinación.
Así, preguntado pola vacinación dos mariñeiros e a que administración correspondería, Miñones explicou que son “moitos colectivos” os que trasladan á Delegación do Goberno as súas demandas para ser vacinados e engadiu que o que fai este organismo é comunicar ao Sergas as mesmas. “É xestión que fai a Xunta”, sinalou asegurando que é a Administración autonómica a que establece “uns criterios”.
Ante a chegada dunha “cantidade importante de doses”, manifestou, así mesmo, que confían en que se organice “ben” a repartición de face a unha vacinación “masiva” para chegar “canto antes a esa cifra do 70%”, expuxo sobre os obxectivos fixados a este respecto.