IniciosociedadeO Mercado de Nadal de Ribadeo ofrecerá 26 postos e obradoiros, concertos...

O Mercado de Nadal de Ribadeo ofrecerá 26 postos e obradoiros, concertos e visitas guiadas

O programa de actividades da décimo quinta edición da feira encherá a vila de actividades do 6 ao 9 de decembro

Publicada o

- Advertisement -

Un total de 26 postos participará na décimo quinta edición do Mercado de Nadal de Ribadeo, que abrirá as súas portas no Parque de San Francisco do 6 ao 9 de decembro.

No mercado haberá expositores de artesanía, cervexas artesás e alimentación, traballos con coiro, cerámica, decoración ou deseño.

Os clientes poderán achegarse en horario matinal, de 11.00 a 14.00 horas, e de tarde, de 17.00 a 21.00.

A décimo quinta edición do mercado suporá un aliciente máis para visitar Ribadeo e para impulsar a vila como centro comercial e de ocio durante o mes de decembro.

Así, o mercado contará con actividades paralelas, como obradoiros para nenos, actuacións musicais e visitas guiadas.

OBRADOIROS

O 7 de decembro, desde as 17.30 horas, haberá un obradoiro de bolachas de xenxibre a cargo de ConSentidiño. O 9, a partir das 12.30, a Asociación de Axuda ao Enfermo Mental da Mariña ofrecerá un taller de decoración de candeas.

VISITAS GUIADAS

No tocante ás visitas guiadas, o programa comezará o día 7 cunha ruta pola heráldica ribadense, que contará coas explicacións de Francisco José Campos. A actividade comezará ás 11.00 horas no parque de San Francisco.

Do mesmo escenario partirá, o día 8 ás 19.30 horas, un percorrido pola ruta dos comerciantes, a cargo de Begoña García López.

O domingo, en horario matinal, haberá outra ruta para coñecer o patrimonio relixioso ribadense, que contará coa presenza de Álvaro Lamas e Luis López Sierra.

As prazas para as visitas guiadas son limitadas. Anotan no teléfono 982.128.689 ou no e-mail turismo@ribadeo.org.

CONCERTOS

O programa de actividades paralelas tamén inclúe concertos de Lazy Bones, Cosmosoul, Iria Estévez e Gonzo Piña, Los Incorregibles e Batuko Tabanka.

ALUMEADO

O 6 de decembro acenderase tamén o alumeado de Nadal. “Non nos verán desde Nova Iork ou Tokio, pero seguro que imos ser un referente na Mariña Lucense”, ironizou o alcalde, o nacionalista Fernando Suárez Barcia, que presentou a programación coa concelleira de desenvolvemento local, turismo e comercio, Ana Martínez.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...