InicioSucesosCandia insiste en que o traballador "desobedeceu ordes" e un protocolo para...

Candia insiste en que o traballador “desobedeceu ordes” e un protocolo para os animais abandoados

Trala denuncia da morte violenta dunha gaivota que apareceu mancada nunha á, o goberno local abriu expediente disciplinario a un obreiro que supostamente mallou ao animal

Publicada o

- Advertisement -

EFE. A alcaldesa de Mondoñedo, Elena Candia, afirmou este venres que o traballador que supostamente matou a paus a unha gaivota ferida no municipio mindoniense “desobedeceu as ordes que se lle deron“, que eran recoller ao animal para trasladalo a un centro de recuperación, de aí que o goberno local abrise ao obreiro un expediente disciplinario.

“Temos perfectamente artellado” o protocolo para responder “cando aparecen animais abandoados dentro do noso concello, sexan domésticos ou doutro tipo”, sostivo a rexedora, “pero un traballador desobedeceu as instruccións que se lle deron ao respecto”.

Por iso, por parte “da Policía Local, que foi quen recepcionou a chamada da persoa que viu por primeira vez ao animal, que estaba lastimado nunha á“, fíxose “un atestado” que “está xa depositado no Xulgado“, despois de recibir o asesoramento da Fiscalía.

Por parte do Concello, “en aplicación do noso convenio colectivo” e de acordo coas circunstancias, porque “o traballador tiña unhas indicacións e polas razóns que el explicará non cursou, tamén se iniciou un expediente disciplinario”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...