EFE. Axentes da Garda Civil detiveron a dous veciños de Ribadeo, ambos de nacionalidade rumana, de 30 e 36 anos de idade, como supostos autores dos delitos de estafa, falsidade documental e apropiación indebida.
Supostamente, ambos detidos retiraron cunha tarxeta de crédito e sen consentimento do titular máis de 2.000 euros dunha conta.
Ademais, de acordo coas investigacións da Garda Civil, falsificaron a sinatura do propietario dun vehículo de alta gama no contrato de compraventa do turismo, para facer a transferencia ao seu favor.
Tamén realizaron “diversos trámites para a obtención dun duplicado da tarxeta da Inspección Técnica de Vehículos, para o que tiveron que falsificar unha declaración xurada.
APROPIACIÓN INDEBIDA
Posteriormente, “apropiáronse do vehículo” cando foi requerida a súa devolución por parte do “lexítimo” propietario.