A Policía Nacional recuperou na praia de Area de Viveiro un paquete de quilo e medio de peso dunha droga que puidese tratarse de cocaína á espera da análise correspondente da substancia por parte dos servizos competentes.
O paquete en cuestión foi achado no areal cando foi arroxado polo mar á area, lugar onde o atopou unha parella que se atopaba paseando. Estas persoas comunicaron os feitos á Policía Nacional, quen se fixo cargo do mesmo.
INVESTIGACIÓN
Os axentes do grupo de Policía Xudicial deron conta do achado ao Xulgado e atópanse realizando xestións para poder determinar a procedencia do mesmo.