InicioSucesosInvestigada unha veciña de Burela por causar lesións a outra persoa

Investigada unha veciña de Burela por causar lesións a outra persoa

Tamén se pescuda a dous varóns, de Getxo e A Coruña, por presuntamente sustraeren produtos por valor de 230 euros dun comercio de Ribadeo

Publicada o

- Advertisement -

A Garda Civil imputou en calidade de investigada unha veciña da localidade lucense de Burela de 38 anos de idade como presunta autora dun delito de lesións.

Segundo informou o Instituto Armado, a investigada supostamente ocasionou lesións “de diversa consideración” a outra persoa no termo municipal de Burela. A persoa investigada en relación con estes feitos foi posta a disposición xudicial.

BANDA ESPECIALIZADA

Por outra banda, a Garda Civil imputou en calidade de investigados a un veciño de Getxo (Biscaia) de 35 anos e a outro da Coruña de 52 como presuntos autores de dous delitos de furto.

Os feitos ocorreron, relatan as mesmas fontes, nun establecemento comercial situado na localidade lucense de Ribadeo, no interior do cal dous homes subtraeron diversos produtos de alimentación valorados en 230 euros.

Así mesmo, investígase se os presuntos autores deste furto son os mesmos que outro delito cometido o pasado mes de marzo co mesmo modus operandi. Así, inícianse pescudas, que constatan que estas persoas pertencen a unha organización delituosa especializada no furto no interior de establecementos comerciais.

As dúas persoas investigadas en relación cos feitos foron postas a disposición xudicial.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...