A Garda Civil detivo a cinco persoas na provincia da Coruña -nas localidades de Fene, Ferrol e Ares– e unha en Lugo como supostos autores de varios roubos en establecementos comerciais da vila de Ribadeo.
Segundo informa o Instituto Armado a través dun comunicado, nun dos locais -unha perfumería– chegaron a roubar ata en seis ocasións, furtando bens por valor superior a 3.000 euros. Nun supermercado e nunha tenda de xardinería levaron efectos por case 2.000 euros.
MODUS OPERANDI
As persoas detidas quitaban ou invalidaban presuntamente as alarmas dos produtos furtados, ao escondelas debaixo de prendas de roupa. Noutros casos, acudían dous e un aproveitaba para apropiarse dos bens mentres o outro entretiña ao persoal do establecemento. En ocasións, mesmo repetían estas accións no mesmo día.
Os presuntos autores, que amosan o mesmo perfil e teñen numerosos antecedentes policiais por furtos, intercambiando na maioría dos casos os obxectos por sustancias estupefacientes, foron postos a disposición xudicial.