IniciosociedadeEvacuadas catro persoas dunha familia de Landrove por inhalación de monóxido de...

Evacuadas catro persoas dunha familia de Landrove por inhalación de monóxido de carbono

A intoxicación puido ter a súa orixe nunha mala combustión da cociña de leña

Publicada o

- Advertisement -

Catro persoas dunha familia foron evacuadas na madrugada deste luns da súa vivenda situada en Landrove, Toxeiras, no municipio de Viveiro, debido a un posible escape de gas motivado pola mala combustión dunha cociña de leña. Así o informou o Centro Integrado de Atención ás Dependencias (CIAE) do 112 Galicia.

Pasados uns minutos das 00.30 horas, un dos afectados chamou ao 112 Galicia para pedir axuda e indicou que os seis membros da familia, dous adultos e catro menores, atopábanse mal.

Tras pasar o aviso inmediato aos profesionais do Servizo de Urxencias Sanitarias de Galicia-061, que sinalaron a posibilidade de tratarse dun escape de gas, o 112 informou os Bombeiros de Viveiro.

Tamén puxeron os feitos en comunicación da Policía Nacional, Local, dos efectivos de Protección Civil da localidade e do persoal da empresa subministradora do gas da zona.

Os bombeiros, unha vez no lugar e feitas as correspondentes medicións, comprobaron que a intoxicación por monóxido de carbono tivo a súa orixe na cociña de leña e aconselleron que os profesionais sanitarios ventilaran a vivenda e que trasladasen a catro persoas da familia ao Hospital Público da Mariña.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...