EFE. Dous mariñeiros localizaron a última hora do día do pasado luns o corpo sen vida dun home de 89 anos de idade, flotando xunto a unhas boias, cerca do peirao e da praia de Portocelo, no municipio mariñao de Xove.
As persoas que o atoparon avisaron aos servizos de urxencias e ás forzas de seguridade que, unha vez rescatado o cadáver da auga, procederon á súa identificación.
O corpo sen vida é o dun home natural da localidade, pero que residía en Burela, cuxo coche foi atopado por axentes da Policía Local e da Garda Civil no lugar de Punta Meirixe. O caso está baixo investigación.