InicioSucesosPiden dez anos de cárcere para un acusado de violación en Viveiro

Piden dez anos de cárcere para un acusado de violación en Viveiro

Os feitos aconteceron en xullo do 2019; segundo a Fiscalía, tras bicarse nun coche a vítima pediulle que parase de tocala pero o procesado forzouna a consumar o acto sexual

Publicada o

- Advertisement -

Este luns celebrarase na Audiencia Provincial de Lugo a R. M. B., para quen a Fiscalía pide dez anos de prisión por cometer un delito de violación en en Viveiro. O Ministerio Fiscal solicita igual tempo de inhabilitación absoluta e especial para o exercicio de sufraxio pasivo, así como a prohibición de aproximarse á vítima a unha distancia inferior a 300 metros, o seu domicilio, lugar de traballo ou calquera outro lugar frecuentado pola mesma, así como a prohibición de comunicarse con ela por un tempo de 15 anos; ademais, seis anos de liberdade vixiada e costas, cunha indemnización á persoa supostamente agredida sexualmente de 6.000 euros, máis outros 362 euros para o Sergas.

Segundo o escrito de acusación, o suposto violador, maior de idade e condenado con anterioridade por un delito de lesións, coñeceu á vítima, G., o día 9 de xullo do 2019 nun pub de Foz. Propúxolle dar unha volta ata o porto de Viveiro. Unha vez alí, o procesado suxeriulle que se sentasen no coche, ao que a persoa agredida accedeu. Ambos comezaron a bicarse, pero nun determinado momento, o procesado fixo caso omiso das peticións de G. para que deixase de tocala.

Deste xeito, agarrouna polo brazo impedíndolle saír do coche e espiuna pola forza, penetrándoa por vía vaxinal. A vítima conseguiu apartar ao procesado e escapar unha vez este consumara a agresión sexual, segundo a Fiscalía.

TRATAMENTO PSICOLÓXICO

O Ministerio Fiscal resalta que a vítima, a consecuencia destes feitos, sufriu un trastorno de estrés postraumático, “para cuxa sanidade resultou obxetivamente necesario tratamento psicolóxico, sendo o tempo de curación de 180 días de prexuízo básico, e restándolle secuelas de carácter leve”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...