Un camioneiro de 52 anos faleceu este venres ao ser aplastado por unha carretilla cando se atopaba nunha empresa de produtos e servizos agrarios ubicada no polígono de Barres, en Castropol. Segundo informou La Voz de Galicia, trátase dun home residente no municipio de Trabada.

Segundo os datos facilitados polo Servicio de Atención Médica Urgente (Samu), malia que os sanitarios desprazados ao lugar -o equipo de atención primaria de Vegadeo con ambulancia de soporte vital básico e equipo médico da UVI móbil de Jarrio, estiveron practicándolle manobras de reanimación cardiopulmonar avanzada durante unha hora, finalmente só poideron confirmar o seu falecemento.

O Centro de Coordinación de Emerxencias do 112 Asturias recibiu aviso ás 6.59 horas. Na chamada sinalaban que o traballador resultara ferido tras pasarlle un vehículo por riba. Non estaba atrapado.