InicioSucesosFalece unha muller de San Cibrao de 52 anos ao precipitarse o...

Falece unha muller de San Cibrao de 52 anos ao precipitarse o seu coche por un cantil en Tapia

Os servizos de emerxencias atoparon o vehículo ardendo coa porta aberta e o corpo flotando no mar, polo que non se descarta que fose un suicidio

Publicada o

- Advertisement -

Unha muller residente en San Cibrao, de 52 anos de idade, faleceu este luns tras precipitarse o seu coche por un cantil da contorna da praia de Serantes, no municipio asturiano de Tapia de Casariego.

A alerta produciuse sobre as 8.40 horas deste luns, cando se advertiu que saía fume negro dos cantís do areal, o que fixo pensar en principio nun incendio forestal. Cando chegaron os Bombeiros de Barres a apagar o lume constataron de que se trataba dun vehículo ardendo, que se saíra da vía que une o cámping de Serantes coa localidade de Tapia.

Ao lugar do suceso desprazouse unha patrulla do posto de Tapia de Casariego, atestados e motoristas da Garda Civil de Tráfico de Luarca e a Policía Xudicial deste mesmo destacamento.

Ao parecer, a persoa falecida saíu do turismo antes de que se calcinara, posto que a porta estaba aberta e o seu corpo foi atopado flotando no mar. A Garda Civil investiga o suceso e non se descarta que se trate dun suicidio.

EMPREGADA DO CONCELLO, QUE DECRETOU LOITO OFICIAL

A falecida tratábase dunha empregada do Servizo de Axuda no Fogar do Concello de Cervo, que decretou loito oficial desde hoxe ata o remate do vindeiro mércores, sen actos nin actividades no municipio.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...