Falece un motorista de Foz tras unha saída de vía na N-640 en Riotorto

A moto comezou a arder tralo accidente e orixinouse un pequeno incendio; o falecido tiña 31 anos

N-640 ao seu paso por Riotorto. GOOGLE MAPS

Un motorista veciño de Foz de 31 anos faleceu este sábado tras saírse da estrada pola que circulaba, a N-640, á altura do municipio de Riotorto (Lugo). O Centro Integrado de Atención ás Emerxencias (CIAE) do 112 Galicia tivo coñecemento do suceso mediante a chamada de alerta dun particular, sobre as 16.30 horas desta tarde. O motorista necesitaba asistencia sanitaria e o hecículo comezara a arder debido ao impacto.
Ata o lugar mobilizáronse efectivos de Bombeiros de Barreiros, GES da Pontenova, Garda Civil de Tráfico e do 061 e alertou tamén ao distrito forestal da zona por si fose necesaria a súa intervención para evitar a extensión das chamas.
Tras chegar ao lugar do accidente e pese aos esforzos dos servizos de urxencia, só se puido confirmar o falecemento do condutor. Os axentes da Garda Civil de Tráfico en colaboración co persoal de mantemento das estradas encargáronse da eliminación dos restos do accidente e do restablecemento da seguridade na vía.

RESPOSTAR

Please enter your comment!
Please enter your name here