A Garda Civil imputou en calidade de investigado a un veciño de Burela de 18 anos de idade como presunto autor dun delito de furto por subtraer unha caixa con material na porta dunha vivenda na localidade de Foz.
Segundo informou o Instituto Armado, os feitos tiveron lugar na localidade de Foz cando o presunto autor supostamente furtou unha caixa con material dun torno mecánico no seu interior que se atopaba na porta da vivenda da persoa propietaria e denunciante.
O material furtado foi recuperado polos axentes e posto a disposición do seu lexítimo propietario, indicaron as mesmas fontes da Benemérita. Pola súa banda, o mozo de Burela investigado en relación con estes feitos foi posto a disposición xudicial.