InicioSucesosPrenden lume aos contedores dunha rúa de Ribadeo e danan unha casa

Prenden lume aos contedores dunha rúa de Ribadeo e danan unha casa

As forzas de seguridade investigan os feitos, acontecidos na Avenida de Calvo Sotelo; o alcalde lamenta a perda "dunha chea de cartos públicos e danos nunha propiedade privada"

Publicada o

- Advertisement -

O alcalde de Ribadeo, Fernando Suárez Barcia, cualifica de lamentable o acto vandálico ocorrido esta pasada noite na Avenida de Calvo Sotelo. Alí persoas descoñecidas prenderon lume aos contedores. Unha vivenda resultou danada.

O rexedor ribadense dixo que “se trata dun feito lamentable. Foi esta noite. Desde logo que casual non é. A Policía Local e máis a Garda Civil sufocaron o lume con extintores e logo os Bombeiros de Barreiros remataron o traballo”, expuxo.

Suárez Barcia engadiu que “o contedor, a árbore, a vivenda de ao pé coas persianas derretidas e os cristais rotos polo calor. Unha chea de cartos públicos e danos na propiedade privada. Xa todo o mundo o está a pasar abondo mal e xa temos abondos aspectos negativos aos que facerlles fronte nesta terrible pandemia que estamos a vivir, como para que aínda teña q vir alguén a enrarecer a situación máis e facer aínda máis dano. Sen palabras”, indicou.

As forzas de seguridade investigan os feitos. O Concello procedeu esta mañá a limpar a zona.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...