InicioSucesosFalece na Coruña o mariñeiro do Siempre Antares; dous tripulantes ingresan en...

Falece na Coruña o mariñeiro do Siempre Antares; dous tripulantes ingresan en Burela e outro no HULA

O falecido, de 56 anos e natural de Avilés, fora evacuado en helicóptero desde alta mar ao sufrir unha insuficiencia respiratoria; outros once compañeiros están confinados no barco

Publicada o

- Advertisement -

O mariñeiro do Siempre Antares, buque con base en Celeiro, que foi evacuado en helicóptero o pasado mércores tras sufrir unha insuficiencia respiratoria faleceu este venres no Centro Hospitalario Universitario da Coruña (CHUAC), segundo confirmaron fontes do Servizo Galego de Saúde (Sergas). O falecido era natural de Avilés e tiña 56 anos.

A persoa falecida foi evacuada de emerxencia en alta mar, cando o barco volvía de faenar no caladoiro de Gran Sol. Presentaba síntomas compatibles coa Covid-19, razón pola que os outros 14 tripulantes quedaron confinados no buque, atracado no porto de Celeiro. Segundo confirmaron as mesmas fontes, outros tres mariñeiros foron ingresados nas últimas horas: dous no Hospital Público da Mariña e un terceiro que está a ser trasladado HULA de Lugo. Os restantes once permanecen no buque, illados.

O pasado xoves sometéronse ás probas PCR, cuxos resultados non trascenderon por agora, segundo concretaron fontes de Porto de Celeiro, que precisaron que as persoas confinadas esperan coñecer o protocolo definitivo que deberán cumprir nos vindeiros días.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...