A Garda Civil detivo a un veciño do concello de Riotorto, de 34 anos de idade, como suposto autor dun delito continuado de furto. Así o expuxo este mércores, 17 de marzo, o Instituto Armado a través dunha nota enviada aos medios de comunicación.
De acordo coa mesma fonte, o presunto autor dos feitos furtou cinco pastores eléctricos entre os pasados días 27 e 28 de febreiro na zona de Bretoña, localidade do termo municipal da Pastoriza.
Segundo concreta a Garda Civil no mencionado comunicado, a persoa detida foi xa posta a disposición do Xulgado de Primeira Instancia e Instrución nº 1 de Mondoñedo (Lugo).