Dúas persoas necesitaron asistencia sanitaria nas primeiras horas deste martes tras sufrir un accidente de tráfico no punto quilométrico 51 da N-642 ao seu paso polo municipio de Cervo.
Segundo concretou o 112, este sinistro produciuse uns minutos despois das 3,30 horas deste martes. O servizo de emerxencias recibiu a alerta do accidente a través de persoal de Urxencias Sanitarias de Galicia-061 que, segundo indicou na súa comunicación, produciuse un accidente de tráfico no que quedaran feridas dúas persoas e unha delas posiblemente atopábase atrapada.
Por iso, por parte do CIAE 112 Galicia solicitouse a intervención do GES de Cervo, dos Bombeiros de Viveiro e dos axentes da Garda Civil de Tráfico.
Segundo confirmaron ao 112 Galicia os Bombeiros de Viveiro, as dúas persoas feridas foron atendidas polos servizos sanitarios sen que chegasen a empregar o material de excarceración e trasladados a un centro hospitalario en ambulancia.