A Garda Civil detivo no termo municipal de Barreiros  a un veciño da localidade lucense de Foz ao ser interceptado con 2.500 gramos de marihuana no vehículo que conducía. Segundo informou o Instituto Armado, o home de 36 anos foi detido como presunto autor dun delito contra a saúde pública por tráfico de drogas.

A persoa detida foi identificada na estrada LU-150, á altura do quilómetro 0,100, cando conducía un turismo, en cuxo interior portaba unha bolsa con 2.500 gramos de suposta marihuana e material “para o seu óptimo tratamento”, engaden as mesmas fontes.

As dilixencias policiais instruídas en relación con estes feitos foron remitidas á autoridade xudicial.