O mozo que foi acoitelado na mañá deste martes en Ribadeo cando se dispuña a abrir o bar Zielo, onde traballaba, xa se atopa na casa despois de ser atendido no Hospital da Mariña.
A. A. L. M., de 30 anos, recibiu un forte golpe na cabeza por parte dun agresor que a Garda Civil está a buscar, e tamén foi ferido na perna cun obxecto punzante, o que requeriu puntos de sutura.
Ao longo do día fixéronselle probas para descartar calquera lesión importante e arestora garda repouso.
“ACTO SALVAXE”
O alcalde de Ribadeo, o nacionalista Fernando Suárez Barcia, condenou os feitos. “Tanto a Policía Local como a Garda Civil están averiguando o necesario para dar co paradoiro da persoa que cometeu este acto salvaxe e confío e desexo que así sexa. Os malos acaban caendo”, espuxo.
O rexedor transmitiu o “apoio do Concello a este rapaz, este traballador e veciño de Ribadeo, para que se recupere canto antes”.