Os independentes de Por Viveiro, visitaron esta mañá de sábado o Bar Áncora en Celeiro, que leva dous meses cun derrubamento de terras sobre o seu tellado.

Conforme á información aportada polos propietarios, o Concello todavía non coñece o propietario do solar colindante pola parte superior, e seguen agardando unha solución.

Bernardo Fraga, portavoz de Por Viveiro, declarou “en casos así, o Concello ten que actuar de oficio e garantir a seguridade no establecemento hosteleiro, e máis en datas próximas á Semana Santa”

Así mesmo, os independentes presentarán ante o Pleno Municipal, un rogo para solicitarlle ao goberno socialista que actúe de inmediato na rede de abastecemento na rúa do Porto, que leva seis cortes de auga nos últimos meses.