InicioOrientalBarreirosFerido un traballador dunha granxa de Barreiros

Ferido un traballador dunha granxa de Barreiros

Levou un golpe co carro mesturador da explotación.

Publicada o

- Advertisement -

Un operario resultou ferido na mañá deste mércores despois de que golpearse co carro mesturador co que traballaba nunha granxa da parroquia de San Xusto de Cabarcos, no municipio lucense de Barreiros. Segundo informou o 112, sobre as 11,00 horas deste mércores unha persoa avisou do accidente ao servizo de emerxencias e, nesa comunicación, indicou que o traballador se atopaba consciente e que non estaba atrapado.

Por parte do Centro Integrado de Atención ás Emerxencias de Galicia (CIAE-112 Galicia) informouse os servizos sanitarios, á Garda Civil e a Protección Civil de Barreiros.
Urxencias Sanitarias de Galicia-061 mobilizou un helicóptero medicalizado ata o lugar pero, finalmente, segundo indicaron ao 112 os membros de Protección Civil da localidade, o traballador foi trasladado nunha ambulancia ao Hospital da Costa en Burela.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...