O Concello de Xove anima as Festas de Nadal para todos e todas as veciñas cunha programación especial. Desta volta o venres 23 Papá Noel aterrará no Pavillón de Deportes ás 18:00 para traerlle ilusión e algunha sorpresa para os máis pequenos e tamén adultos. Para combater o frío destes días haberá unha chocolatada.

O 26 de decembro o Salón de Actos do Centro Cívico acollerá ás 19:00 a obra de teatro ‘A Viaxe do Señor López’ a cargo da Compañía de Teatro Producións Señor López. Unha obra para todos os públicos.