IniciosociedadeVentos de 110 qm/h abren un xoves no que A Mariña estará...

Ventos de 110 qm/h abren un xoves no que A Mariña estará en risco extremo por temporal costeiro

Penedo do Galo rexistrou o refacho máis forte da madrugada; desde o mediodía activarase a alerta vermella por mar combinado con ondas superiores aos oito metros

Publicada o

- Advertisement -

EFE. A provincia de Lugo é ata primeira hora deste xoves a máis afectada pola fría borrasca que chegará hoxe a Galicia e que motivou un nivel de alerta vermella na Coruña e Pontevedra por oleaje e na montaña de Lugo e Ourense por neve; na Mariña Lucense, o aviso activo é arestora laranxa por temporal costeiro, que se tornará de risco extremo a partir do mediodía e ata a noite.

Ás oito da mañá, a temperatura máis baixa de toda a Comunidade rexistrouse en Folgoso do Courel, con -0.9 ºC, en Lugo, mentres que das estacións por encima dos 900 metros fixo máis frío en Xares, na Veiga (Ourense), con -4.8 ºC pasadas as nove da mañá.

Tamén en Lugo é onde soprou máis forte o vento, a case 110 quilómetros por hora en Penedo do Galo, en Viveiro, esta madrugada, e choveu máis intensamente, con 15,5 litros por metro cadrado en Sambreixo, en Guitiriz, informa Meteogalicia.

Urxencias non recibiu ningún aviso por incidencias destacables, segundo detallan a Efe fontes do 112 Galicia, pois o fenómeno meteorolóxico adverso empezarase a notar nas próximas horas.

O 112 explica que este episodio adverso coincide con mareas vivas que, no momento da pleamar, poden dar lugar a inundacións no litoral da Costa da Morte e Rías Baixas.

FROTA AMARRADA

A situación no mar agravarase en prácticamente todo o litoral galego ata alcanzar o nivel de alerta vermello por ondas que poden alcanzar os nove metros, mentres que na Costa da Morte coruñesa ata poderán chegar aos dez metros de altura.

A frota galega permanece amarrada na súa inmensa maioría debido ás ondas, que na mañá deste xoves alcanzaron os dez metros na Coruña e rozaron os oito en Pontevedra.

Fontes das cofradías de pescadores informaron a Efe do estado da súa frota, case toda amarrada nas tres provincias costeiras de Galicia.

Na Mariña, Celeiro ten en porto a todas as súas embarcacións, baixura, cerco e arrastre, e Burela polo menos baixura.

Na Coruña, os barcos de Mugardos non saíron a faenar e ata se suspendeu o marisqueo; e en Cedeira tampouco, a súa flota está “ben amarrada, ata nós estamos amarrados porque hai moita ondada”, recoñecen a Efe desde a cofradía.

Pontedeume mantén os seus barcos en porto, aínda que están mariscando; Ferrol non faenou e Muros tampouco, excepto os de extracción do polbo que están traballando dentro da ría.

En Pontevedra, saíu algún barco de cerco do porto de Vigo pero a maioría permanecen atracados.

POSIBLES REBORDAMENTOS DO LANDRO, COVO E OURO

En todo caso, advirte de que segundo os sistemas de observación e control de Augas de Galicia, o caudal dos ríos vai en aumento, polo que existe risco de avenidas puntuais na contorna do Landro, Covo e Ouro, Eume, Mandeo e Xallas.

A LU-P-6604, CORTADA EN MAGAZOS

Por outra banda, en Viveiro, os servizos de Xestión Territorial da Deputación de Lugo traballan para restablecer o tráfico na estrada LU-P-6604, na parroquia de Magazos, cortada por dous puntos debido a desprendementos de terra.

VENTO

Tamén a Axencia Estatal de Meteoroloxía (Aemet) informa dun fenómeno adverso de nivel laranxa por vento, especialmente intenso en partes das provincia da Coruña e de Pontevedra, onde se esperan rachas que alcanzarán os 110 quilómetros por hora.

No caso da Mariña, a advertencia será amarela desde o mediodía, con refachos de entre 80 e 100 quilómetros por hora. No mar, soprarán ventos do oeste e noroeste, con forzas 7 e 8.

NEVE

En canto á neve, o nivel de alerta é así mesmo laranxa por acumulacións que poden alcanzar os 20 centímetros na montaña lucense e tamén en Ourense.

Polo momento, obrigou a primeira hora deste xoves aos axentes do Subsector de Tráfico da Garda Civil a “embolsar” camións na Autovía do Noroeste (A-6) na zona de Gomeán, así como a restrinxir o paso de vehículos articulados pola zona de Pedrafita do Cebreiro.

Ademais, a Consellería de Educación tomou a decisión de suspender as clases en toda a zona afectada.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...