O Concello de Burela vén de promover un proxecto de expresión artística para decorar o pobo e un obradoiro de artesanía con redes. A iniciativa, ‘Burela Inclusiva’, viu a luz este venres no acto de presentación de Tanza, un proxecto para revalorizar os residuos que quedan no mar. O encontro tivo lugar no campus de Ferrol.

Alí mesmo, a concelleira de Mar e Servizos Sociais, Carmela López, explicou que “o Concello en colaboración coa Federación de Confrarías de Pescadores de Lugo queremos poñer en marcha un proxecto de expresión artística para decorar o pobo e un obradoiro de artesanía feito con redes”. Nel está implicado tamén a Fundación Eu Son, a Asociación de axuda ao enfermo mental A Mariña e a asociación A Mariña Sen Plástico.