Burela realiza obras de mellora nun acceso ao Hospital da Mariña

O investimento ascendeu a 34.000 euros. O concelleiro de Obras, Ramiro Fernández, e o alcalde, Alfredo Llano, supervisaron os traballos.


O Concello realizou obras de ampliación e mellora nun camiño que pasa por detrás do Hospital da Mariña, que é moi empregado pola veciñanza do Torno para a súa incorporación á variante de Burela. O investimento ascendeu a 34.000 euros. O concelleiro de Obras, Ramiro Fernández, e o alcalde, Alfredo Llano, supervisaron os traballos.

O concelleiro Ramiro Fernández subliñou que “ampliamos un camiño que pasa por encima do Hospital, que é moi usado pola xente, sobre todo da zona do Torno, como saída de Burela que se incorpora á variante”.

As obras consistiron en ampliar o camiño e canalizar a auga por medio de tubos, xa que estaba en cuneta. Aínda así, o Ramiro Fernández insistiu en que  “é unha obra pequena pero que vai beneficiar a moita xente porque era perigoso cando pasaban dous coches”.

O concelleiro de Obras engadiu que “a intención, en novas convocatorias desta axuda de camiños, é seguir traballando nese vieiro para actuar noutra zona que tamén é bastante estreita”.

RESPOSTAR

Please enter your comment!
Please enter your name here