Obradoiro de reciclaxe no CEIP Vista Alegre de Burela impartido polas monitoras da aula Gaia

O Plan de aforro de papel pode ser beneficioso para reducir o impacto negativo que produce a fabricación constante polo elevado consumo, podendo reducir a tala de árbores, o gasto de auga e enerxía, a acumulación de residuos, vertidos ou outras emisións.


As monitoras da aula Gaia dependente da delegación de Medio ambiente do Concello de Burela realizaron esta mañá un obradoiro de reciclaxe de papel para as nenas e nenos de segundo de primaria do Ceip Vista Alegre. No día de mañá continuarán con esta formación tamén en primaria.

O Plan de aforro de papel pode ser beneficioso para reducir o impacto negativo que produce a fabricación constante polo elevado consumo, podendo reducir a tala de árbores, o gasto de auga e enerxía, a acumulación de residuos, vertidos ou outras emisións.

O alumnado aprendeu a fabricar o seu propio papel coas indicacións das monitoras, e coa principal motivación de reducir o consumo, reutilizalo nas aulas, salas de profesores e departamentos, así como reciclar este papel sempre que sexa posible.

Empregaron papel usado, periódicos, revistas e follas escritas ou pintadas para trocear e facer unha pasta con agua, que trituraron e estenderon nun recipiente. Posteriormente, introduciron no mesmo unha malla de alambre ata que parte da “pulpa” da masa pousase, levantando o alambre con coidado. Posteriormente, apoiaron esta lámina sobre papel absorbente e deixaron secar.

Esta actividade captou a atención dos pequenos e pequenas en todos os procesos de elaboración, aprendendo a ser respectuosos co medio ambiente ao tempo que se divirten e se responsabilizan de traballos en equipo.

RESPOSTAR

Please enter your comment!
Please enter your name here