InicioCentralFozA Xunta di, agora, que os traballos da nova depuradora de Foz...

A Xunta di, agora, que os traballos da nova depuradora de Foz comezarán este ano

Publicada o

- Advertisement -

A Consellería de Infraestruturas e Mobilidade replica ao Concello de Foz  que prevé iniciar a “finais de ano” os traballos dos colectores e a nova depuradora municipal, á que destinará 12,3 millóns de euros a pesar de que é unha “competencia directa” do goberno local.

Así respondeu a Xunta ás declaracións do alcalde de Foz, Francisco Cajoto, quen denunciaba que esta infraestrutura acumula “cinco anos de atraso” porque fora un compromiso do Executivo galego en virtude dun convenio en 2016 e que tiña como data tope o 2021.

Neste contexto, a Consellería de Infraestruturas alega que leva “moito tempo axudando ao Concello para a tramitación desta concesión” de Costas –do Estado– pola que “houbo que esperar 36 meses para poder licitar o proxecto. Deste xeito, as obras están agora mesmo en proceso de contratación, co obxectivo de que os traballos nos colectores e na nova depuradora do municipio comecen a finais de 2022.”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...