O Concello de Mondoñedo sinala que do total do orzamento (3,6 millóns), destinaranse a servizos sociais destínanse máis de 570.000 euros, e o SAF increméntase, con respecto ano pasado, en 47.880 (este servizo pasou de 810 horas no 2015 a 1.800)
Increméntanse os ingresos como consecuencia do aumento da actividade económica (o IAE pasa de arredor de 40.000 euros no 2015 a 140.000 no 2022; respecto ao ano pasado, 58.000 euros máis) e pola implantación dos novos parques eólicos, que aumenta a recadación por IBI (aproximadamente 90.000 euros máis que no actual exercicio)
Segundo os datos do último trimestre, o período medio de pago no Concello de Mondoñedo é de 13 días. O orzamento non inclúe as axudas ata que están efectivamente concedidas, aplicando o principio de prudencia e de rigorosidade que debe imperar nos termos orzamentarios.
O Concello cumpre en canto a prazos, demostra estabilidade orzamentaria e mantén a débeda cero; desta maneira, o orzamento para o próximo ano ofrece unha imaxe fiel da saneada situación económica municipal. As grandes contas do Concello para o 2022 están deseñadas para garantir a colaboración con todo o tecido asociativo, tan importante neste municipio
O Concello cumpre en canto a prazos e demostra estabilidade orzamentaria. Mantén a débeda cero. Desta maneira, o orzamento para o próximo ano ofrece unha imaxe fiel da saneada situación económica municipal. No pleno aprobarase a exención fiscal para BIEGAL, empresa implantada nas instalacións de ECAR-Finsa.
