- Advertisement -
O grupo cangués de rock Astarot actuará en Lourenzá o día 5 de outubro, sábado, dentro do programa da vixésimo novena edición da Festa da Faba.
O concelleiro de cultura, Manuel Arango Ron, anunciou este mércores o concerto da banda, que “interpreta en versión rock temas tan coñecidos da música galega como ‘Sementeira‘, ‘Meu amor é mariñeiro‘, ‘Lela‘, ‘Negra Sombra‘ ou ‘O tren‘”.
DE BALDE
Arango destaca que o recital, coma todos os que teñen lugar durante a Festa da Faba, “será con entrada gratuíta”.
Formado en 1983, o grupo Astarot conta con oito traballos discográficos, nos que colaborou con artistas como Suso Vaamonde, Los Tamara ou Mini e Mero.
