InicioCulturaO libro-disco 'A Comuna del Barruzo', primeiro en galego-asturiano, reivindica a cultura...

O libro-disco ‘A Comuna del Barruzo’, primeiro en galego-asturiano, reivindica a cultura do Eo-Navia

Ugia Pedreira dirixe un proxecto para nenos e adultos que fía música, poesía e ilustración, con dez historias que mostran o patrimonio cultural material e inmaterial da zona

Publicada o

- Advertisement -

Mialma Producióis Creativas e A Central Folque presentarán o vindeiro domingo, na feira Culturgal de Pontevedra, o libro-disco infantil e para adultosA Comuna del Barruzo‘, o primeiro destas características feito en galego-asturiano.

A obra aspira a reivindicar a fala e a cultura comúns do territorio Eo-Navia e inclúe as variantes dialectais de cada municipio.

DEZ CANCIÓNS, DEZ HISTORIAS

Na parte musical, ‘A Comuna del Barruzo’ consta de dez cancións compostas e interpretadas por Ugia Pedreria e Pierrot Rougier, a partir de textos da súa autoría, de poetas da comarca eonaviega como Héctor Acebo, Quique Roxíos ou Belén Rico, e doutros elaborados polo bretón Nicolás Kervazo.

Pedreira e Rougier gravaron as pezas -nas que conviven o rock, o reggae ou as orquestacións clásicas– con Arturo Vaquero en Abrigueiro Estudos e contaron coa colaboración de músicos como Rosa Cedrón ou Quim Farinha, ademais de instrumentistas da zona.

As letras das cancións fían dez historias de seres máxicos ambientadas no Eo-Navia, con referencias ao patrimonio cultural material da zona, como a industria naviega, a faba ou as casas indianas. Tamén hai referencias a persoeiros da cultura como o gaiteiro Nela de Bres ou Maruja Mallo.

MITOLOXÍA

Personaxes mitolóxicos do territorio eonaviego tamén están presentes no libro-disco, como o Home Marín -o home mariño co que se amedrenta aos nenos en Tapia de Casariego– ou as Xúcaras.

Boceto dunha ilustración do libro, de Mónica Justo. AXM

ILUSTRACIÓNS

Os textos de ‘A Comuna del Barruzo’ queren inspirar ao público infantil e adulto para que desfrute da natureza e da convivencia. A encargada de ilustrar todas estas historias foi Mónica Justo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...