O Illa Pancha Challenge 2020 será entre o 1 de xaneiro e o 31 de marzo

O desafío de surf de ondas xigantes que se celebra en Ribadeo xa ten período de espera, coa idea de superar "a onda de 14,71 metros" do ano anterior

Surfista en Illa Pancha. OMAR SUÁREZ

A organización do Illa Pancha Challenge, o desafío de surf que se celebra en Ribadeo, deu a coñecer este luns o período de espera para a segunda edición do reto, que se celebrará entre o 1 de xaneiro e o 31 de marzo.

Os promotores advirten de que se non se desen as condicións climáticas idóneas para surfear o ‘Panchorro‘, unha onda das denominadas xigantes, que se espera que alcance entre os 15 e os 20 metros de altura, o período de espera para o Illa Pancha Challenge 2020 activarase entre o 1 de outubro e o 31 de decembro.

Segundo expuxo a organización, a segunda edición ten a “meta clara” de “superar a onda surfeada por Natxo González e Adrián Fernández, que alcanzou os 14,71 metros”.

LUCAS ‘CHUMBO’ E IAN COSENZA, PRIMEIROS GAÑADORES

Á altura das ondas nesta zona únese outro atractivo, e é que a especial situación de Illa Pancha fai que os seareiros poidan ver as evolucións dos surfistas desde moi preto.

Na primeira edición, Lucas ‘Chumbo’ e Ian Cosenza impuxéronse ao dúo formado por Everaldo Pato e Pedro Scooby na final dun evento que congregou a numeroso público tanto en Ribadeo como nas redes sociais.

RESPOSTAR

Please enter your comment!
Please enter your name here