InicioDeportesO Burela FS incorpora gol coa fichaxe de Diego Quintela, ex do...

O Burela FS incorpora gol coa fichaxe de Diego Quintela, ex do Palma e do Barça

O pivote de Arzúa, a piques de cumprir 29 anos, asina por unha tempada co Pescados Rubén

Publicada o

- Advertisement -

O Pescados Rubén Burela FS confirmou a fichaxe do pivote coruñés Diego Quintela (Arzúa, 1991) para a tempada 2020-21.

Quintela, procedente do Palma Futsal e con pasado no Santiago -club no que se criou- e no FC Barcelona, é o décimo xogador confirmado pola entidade para a vindeira campaña.

DEZ XOGADORES CONFIRMADOS PARA O VINDEIRO CURSO

Únese a EduMatamorosLuchoIago MíguezÁlex DizRenatoPiteroEto’o e Kaluza. Á fronte do bloque seguirá un ano máis o técnico alfocego Juanma Marrube, como concretou onte o club da Mariña.

O xogador de Arzúa pode solucionar de cara ao vindeiro curso os problemas co gol que lle custaron puntos ao cadro burelao, que tivo en Matamoros a súa principal referencia ofensiva, sendo dependente dos tantos do pivote madrileño.

DESTACA A “SERIEDADE” DO CLUB LARANXA

“Creo que hoxe en día Pescados Rubén é o club que máis se adapta ás miñas prioridades tanto deportivas como persoais. Levo xogando moitos anos e competindo desde moi preto -na miña antiga etapa en Santiago- e é un club ao que sempre admirei pola súa seriedade, compromiso e ambición”, explicou o novo 23 laranxa.

Por último, Quintela dedicou unha mensaxe ás persoas de Burela ante a situación actual que atravesa o mundo debido á pandemia. “Unha frase que me poño moito no meu estilo de vida é que non debo contar os días, teño que facer que os días conten. Son momentos difíciles pero, unidos e con forza, sairase desta”, indica.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...