EFE. O xogador brasileiro Lucas Miguel Pereira, máis coñecido como Eto’o, reincorporouse este luns aos adestramentos do Pescados Rubén Burela FS despois de gardar corentena no seu regreso de Brasil.

Tras viaxar desde o seu país, o pivote pasou os tests pertinentes e estivo confinado no seu domicilio en Galicia, segundo confirmou o seu club. O xogador comparte xa pista co resto dos seus compañeiros de equipo ás ordes de Juanma Marrube.

Eto’o renovou o seu contrato a principios de xullo tras recalar nas filas do Burela no mercado invernal e tivo protagonismo tanto en Liga, ata a suspensión polo coronavirus, como na Copa Galicia.